فضل الرحمان دا قومی سیاست نوں لیڈ کرنا بدقسمتی اے:فواد چوہدری

فیصل آباد( پنجابی میڈیا)وفاقی وزیر اطلاعات فواد چوہدری نے احتساب دے عمل توں پیچھے نہ ہٹن دااعلان کردیاں ہویاں آکھیا کہ ملزماں توں پیسے ریکور وی کیتے لیکن مرکزی ملزم باہر بیٹھے نیں۔اپنے اک بیان وچ فواد چوہدری دا کہنا سی کہ احتساب دے ایجنڈے اُتے الیکشن جتے نیں لیکن عام آدمی مطمئن نہیں اے تے ووٹر سمجھدااے کہ احتساب مکمل ہونا چاہیدا اے۔فواد چوہدری دا کہنا سی پی ٹی آئی ملک دی سبھ توں وڈھی سیاسی جماعت تے ن لیگ علاقائی جماعت اے جدکہ پیپلز پارٹی نے سندھ دے شہریاں نوںصحت کارڈ توں محروم کیتا،وزیراعلی سندھ نوں لگدا اے کہ صحت کارڈ نال اوہناں دی سیاست متاثر ہوئے گی۔