بلال یاسین اُتے فائرنگ کرن والے ملزماں دی شناخت،تصویراں وی سامنے آگئیاں
لہور( پنجابی میڈیا)لیگی ایم پی اے بلال یاسین اُتے فائرنگ دا معاملہ،مبینہ حملہ آوراں دیاں تصویراں منظر عام اُتے آگئیاں۔میڈیا دے مطابق مسلم لیگ(ن)دے ایم پی اے بلال یسین اُتے فائرنگ کیس وچ اہم پیش رفت ساہمنے آئی اے،پچھلے دناں لیگی رہنما اُتے فائرنگ وچ استعمال ہون والا اسلحہ برآمد کرلیا گیا سی،جد کہ اج فائرنگ وچ ملوث مبینہ حملہ آوراں دیاں تصویراں منظر عام اُتے آگئیاں نیں۔ذرائع دے مطابق پُلس نے بلال یاسین اُتے حملے دی تحقیقات دا دائرہ وسیع کررکھیا اے،تے مختلف مقاماں توں سی سی ٹی فوٹیج جمع کیتیاں گئیاں نیں،تے اک سی سی ٹی وی فوٹیج وچ حملہ آوراں دی نقل وحرکت ساہمنے آگئی اے،فوٹیج وچ ویکھیا جاسکدا اے کہ اک مبینہ حملہ آور نے سبز تے اک نے کالی جیکٹ پا رکھی سی۔فوٹیج وچ نظر آرہیا اے کہ مشتبہ حملہ آوراں نے اپنے منہ اُتے رومال لپیٹ رکھے سن،تے حملے توں بعد کجھ دور جا کے مبینہ حملہ آوراں نے چہریاں توں رومال لادتے، لیکن جائے حادثہ توں50میٹردور لگیا سیف سٹی اتھارٹی دا کیمرہ وی خراب نکلیا۔پلس حکام دا کہنا اے کہ مشتبہ ملزماں دی تصویراں نادرا نوں گھل دتیاں گئیاںنیں،مشتبہ افراد دے بوہت نیڑے اپڑچکے واں تے اوہ چھیتی قنون دی گرفت وچ ہون گے۔





















