ملک بھر وچ سردی دیاں بارشاں جاری،بالائی علاقیاں وچ برفباری

لہور(پنجای میڈیا)لہور،کراچی تے اسلام آباد سنے ملک دے مختلف شہراں وچ بدل وس دے رہے،موسلا دھار بارش نوں نشیبی علاقیاں وچ سڑکاں پانی وچ ڈوب گئیاں،لہور وچ70توں ودھ فیڈر ٹرپ کر گئے۔موسم دا حال دسن والیاں نے سردی دیاں بارشاں دا سلسلہ جاری رہن دی پیشگوئی کیتی اے۔بالائی علاقیاں وچ برفباری نال سردی دی شدت ودھ گئی اے۔ملک دے مختلف شہراں وچ بارشاںدااسپیل جاری،لہور وچ بدلاں تے بارش نے اک پاسے موسم حسین بنا دتا تے دُوجے پاسے بارش نال لیسکو دے90توں ودھ فیڈرز ٹرپ کر گئے،شادمان،برانڈرتھ روڈ،شاہ جمال،علی پارک وچ بتی چلی گئی۔رائل پارک،شاہدرہ،بیگم کوٹ،داتا نگر تے سگیاںدے علاوہ جوہرٹائون،اچھرہ،مزنگ،شادی پورہ تے راوی روڈ دے علاقے بتی توں محروم رہے۔