سپریم کورٹ دا ڈی جی سندھ بلڈنگ کنٹرول اتھارٹی نوں فوری طور تے ہٹان دا حکم
کراچی: سندھی مسلم سوسائٹی وچ غیر قنونی تعمیرات دے معاملے تے سپریم کورٹ نے ڈی جی سندھ بلڈنگ کنٹرول اتھارٹی نوں فوری طور تے ہٹان دا حکم دے دتا۔ سپریم کورٹ کراچی رجسٹری وچ سندھی مسلم سوسائٹی وچ غیر قنونی تعمیرات دے معاملے تے سنوائی ہوئی۔
عدالت آکھیا چیف سیکرٹری صاحب، ڈی جی ایس بی سی اے نوں اج ای ہٹاؤ، سندھی مسلم سوسائٹی وچ چائنہ کٹنگ کر دتی گئی، پوری شاہراہ کشمیر تے ای چائنہ کٹنگ کر دیو۔
بورڈ آف ریونیو نے عدالت نوں دسیا ایہ زمین سندھی مسلم سوسائٹی نے دوجے لوکاں نوں الاٹ کیتی۔ جہدے تے چیف جسٹس گلزار احمد آکھیا جے کوئی شاہراہ فیصل الاٹ کر دیوے تے کیہ کراں گے، ایتھے سب کجھ الاٹمنٹ کرن دا لیٹر جاری ہو جاندا اے، سندھی مسلم سوسائٹی وچ نالے دی زمین تے کیویں عمارت بن گئی۔
