آمدنی گھٹ تے خرچے ودھ ہوون تے مہنگائی ودھ لگدی اے،فوادچوہدری
لہور(پنجابی میڈیاگروپ)وزیراطلاعات فواد چوہدری دا کہنا اے کہ آمدنی گھٹ تے خرچے ودھ ہوون تے مہنگائی ودھ لگدی اے۔لہور وچ میڈیا نال گل بات ہویاں وزیراطلاعات فواد چوہدری دا کہنا سی کہ صحت کارڈ تے ہیلتھ دے مسائل حل ہوون گے،جس اُتے ہر خاندان10لکھ روپے تک علاج کروا سکے گا،نجی اسپتال جائو تے علاج داخرچہ حکومت چُکے گی،حادثے وچ زخمی شخص دا وی صحت کارڈ دے تحت فوری علاج ہو سکے گا،صحت کارڈ دا سبھ توں ودھ فائدہ سفید پوش تے مڈل کلاس طبقے نوں ہوئے گا،امیر لوگ تے باہر ملک جاکر اپنا علاج کرواندے نیں،مساوات قائم ہووے گی اوہی علاج غریب دا ہوئے گا جیہڑا امیر دا ہندا اے،جدوں تک پرائیویٹ سیکٹر اگے نہیں آوے گا کدی وی مسئلے حل نہیں ہوسکدے،چنگے اسپتال بنن گے تے ایہ عوام لئی فائدہ اے۔
