حکومت دے خلاف گلاں کرن والے سارے چھانگا مانگا دی پیداوارنیں،شیخ رشید

پنڈی(پنجابی میڈیا گروپ)وزیرداخلہ شیخ رشید دا کہنا اے کہ حکومت دے خلاف گلاں کرن والے سارے چھانگا مانگا دی پیداوار نیں۔پنڈی وچ ماں بچہ اسپتال دے دورے دے موقع اُتے میڈیا نال گل بات کردیاں ہویاں وفاقی وزیر داخلہ شیخ رشید دا کہناسی کہ ساڈھی سیاست لوکاںدی فلاح لئی اے نقصان پہنچان لئی نہیں،اسپتال دی تعمیر دی رفتار توں مطمئن نہیں ،وزیراعظم چاہندے نیں28فروری تک ایس داافتتاح ہو جائے لیکن اینج لگداانہیں۔اپوزیشن لیڈر دے بیان دے حوالے نال شیخ رشید دا کہنا سی کہ شہبازشریف عمران خان لئی ڈرائونا نہیں سُہانا خواب اے،سیاست وچ چاراں شریف مائنس نیں،حکومت دے خلاف گلاں کرن والے سارے چھانگا مانگا دی پیداوار نیں،ایہ بزدلاں دا گروہ اے جیہڑا پیسہ بنان لئی سیاست کردے نیں، لیکن اوہناں دے نصیب وچ پیسے وی نہیں ہیں،سیاست دان دھرتی ماں لئی مردا اے لیکن ایہ باہر نٹھ گئے،دنیا وچ اینج داسیاستدان نہیں ویکھیا جیہڑا حکومت ڈیگن توں ودھ لندن نٹھن اُتے محنت کردا اے۔