دیس وچ اجے تک کرونا وائرس دا کوئی کیس نہیں اے: ڈاکٹر ظفر مرزا

اسلام آباد: ڈاکٹر ظفر مرزا آکھیا اے دیس وچ اجے تک کرونا وائرس دا کوئی کیس نہیں اے، ایئر پورٹ تے سکریننگ دے نظام دی آپ نگرانی کردا رہواں گا۔

معاون خصوصی ڈاکٹر ظفر مرزا دی زیر صدارت اسلام آباد وچ کرونا وائرس ایمرجنسی کور گروپ دا اجلاس ہویا جہدے وچ سیکرٹری صحت، این آئی ایچ ایگزیکٹو ڈائریکٹر میجر جنرل عامر اکرام شریک ہوئے۔ اجلاس وچ کرونا وائرس نال پیدا صورتحال تے تفصیلی غور کیتا گیا۔

ڈاکٹر ظفر مرزا دا کہنا سی سارے ایئر پورٹاں تے تربیت یافتہ ہیلتھ سٹاف دا وادھا کر دتا اے، کسے وی ہنگامی صورتحال نال نبڑن لئی تیار آں، وزارت صحت وچ قائم ایمرجنسی آپریشن سیل صورتحال مانیٹر کر رہیا اے، ہسپتالاں وچ ممکنہ کیساں دے پیش نظر وکھری وارڈز مختص نیں۔