غزل
امین خیال
ہفتہ منگل بدھ اتوار تے ساڈے نہیں
بدلے ہوئے ایہ تہوار تے ساڈے نہیں
روز وکھائے روز پڑھائے جاندے نیں
ایہ ٹی وی یا ایہ اخبار تے ساڈے نہیں
کچی بھگی بے اعتباری وسوں اے
جتھے رہنے آں اوہ گھار تے ساڈے نہیں
ڈھول وفا دے کٹ دا رہنا جنہاں لئی
اوہ بیلی اوہ متر یار تے ساڈے نہیں
لہنے جو اس گھر نوں لاہنے پے گئے نیں
کنھاں دے نیں ایہ ادھار‘ تے ساڈے نہیں
جتھے سنے عدالتاں عدل خریدے جان
اوہ جرگے یا اوہ دربار تے ساڈے نہیں
جہڑے دمیں بگانی پھب پھب بہندے نیں
یار خیال جی اوہ تجار تے ساڈے نہیں
