لہور ہائیکورٹ: ڈیپارٹمنٹل سٹوراں نوں شاپنگ بیگ وچ اشیا خورونوش دین تے پابندی

لہور: ماحول نوں آلودہ ہون توں بچان لئی انقلابی اقدام، لہور ہائی کورٹ نے ڈیپارٹمنٹل سٹوراں نوں شاپنگ بیگ وچ اشیا خورونوش پا کے دین تے پابندی لا دتی۔

سلمان خان نیازی نے لہور ہائی کورٹ وچ دائر درخواست وچ موقف اختیار کیتا کہ پنجاب حکومت نے ہائی کورٹ نال وعدے دے باوجود اجے تک پلاسٹک بیگ دی بندش دے خلاف کوئی اقدامات نہ کیتے، ماحول نوں آلودگی توں بچان لئی لہور ہائی کورٹ پولیتھین بیگ تے پابندی دا حکم جاری کرے تے حکومت نوں ایس حوالے نال قنون سازی دا وی پابند کرے۔

جسٹس شاہد کریم نے سلمان خان نیازی ایڈووکیٹ دی عرضی تے لہور وچ واقع سارے ڈیپارٹمنٹل سٹوراں نوں حکم دتا اے کہ شاپنگ بیگ دا استعمال نہ کیتا جاوے، شاپنگ بیگ دے استعمال نال آلودگی وچ وادھا ہو رہیا اے۔ جسٹس شاہد کریم نے 15دناں وچ عملدرآمد رپورٹ وی طلب کر لئی اے۔