صرف عمران خان نوں مہنگائی دا ذمہ دار آکھنا زیادتی اے :چودھری شجاعت

لہور( پنجابی میڈیا گروپ) چودھری شجاعت حسین ہوراں آکھیا اے کہ صرف عمران خان نوں مہنگائی دا ذمہ دار ٹھہرانا زیادتی اے ، بعض اندرونی، بیرونی عناصر وی معاشی بحران دے ذمہ دار نیں۔ صدر مسلم لیگ ق چودھری شجاعت حسین ہوراں اپنے بیان وچ آکھیا کہ زراعت دے شعبے نوں ٹارگٹ کر کے ساریاں شیواں نوں مہنگا کیتا جا رہیا اے، مصنوعی مہنگائی دے اثرات براہ راست عوام اُتے پئے نیں، پاکستان اک زرعی ملک اے، ایس دی زراعت نوں ٹارگٹ کر کے پورے ملک نوں نقصان پہنچایا جا رہیا اے، صرف ٹماٹر ہی ویکھ لو کہ کسان آڑھتی نوں ٹماٹر 25 روپے کلو ویچ رہیا اے، دُوجے دن اوہی ٹماٹر کئی ہتھاں وِچوں ہندا ہویا ہوا بازار وچ عوام نوں 150 روپے کلو وچ ملدا اے جس دا دھچکا کسان نوں پہنچدا اے، فیر آکھیا جاندا اے کہ کسان نوں ہون والے ایس بھاری نقصان دا ذمہ دار صرف عمران خان اے جیہڑا زیادتی اے۔چودھری شجاعت حسین ہوراں کہنا سی کہ اج کل کھاد دے بحران دی وجہ نال کنک مہنگی ہون دا شور اے، کھاد گھٹ ہون پاروں مہنگائی دا اک نوا طوفان کھڑا ہو رہیا اے، ایس مصنوعی مہنگائی دے ذمہ دار ذخیرہ اندوز وی نیں، سارے ارکان اسمبلی اپنے اپنے علاقیاں وچوں ذخیرہ اندوزاں دی نشاندہی کرن