چڑھ گئی اوہدی پینگھ ہُلارے
عبدالحمید نظامی
چڑھ گئی اوہدی پینگھ ہلارے
جہدے طیبہ ہون گذارے
اوہ جنتی خشبوواں اندر
ویندا ہر دم نور نظارے
فیر نہیں آوندے ملک نورانی
اک واری جو جان اُتارے
کرم تاں ویکھو اُمتی اُتے
جد چاہوے اوہ بھاگ سنوارے
اپنے دُکھڑے کنوں دسن
سوہنیا دردیا ! درداں مارے
ہوجاوے جے جھات کرم دی
لیکھاں دے فیر چمکن تارے
من موجی بن پھرے پھریرا
اوس مینارے کدی اوس مینارے
للہ سد لئو بس اک واری
آساں لائی بیٹھے سارے
وَرَ فعنا لَکَ ذِکرَک
گونجے عرش فرش تے نعرے
آقا کرن جے کرم نظامیؔ
ہو جاون گے وارے نیارے
