حکومت نے ہیلتھ کارڈ لئی محکمہ صحت نوں25 ارب دا بجٹ جاری کر دتا
لہور( پنجابی میڈیا گروپ) پنجاب حکومت نے ہیلتھ کارڈ لئی محکمہ صحت نوں25 ارب روپے دا بجٹ جاری کر دتا ۔ یونیورسل ہیلتھ انشورنس پروگرام دی مد وچ ایس سال 60 ارب روپے دے فنڈ مختص کیتے گئے نیں ۔ محکمہ خزانہ پنجاب نے 25 ارب دے فنڈزسپیشلائزڈ ہیلتھ کیئر دے حوالے کیتے۔فنڈ پرائیویٹ ہسپتالاں دے بقایاجات لئی اسٹیٹ لائف انشورنس کمپنی نوں دتا جائے گا۔پنجاب حکومت پروگرام اُتے400 ارب دا بجٹ 3 ورھیاں وچ خرچ کرے گی۔ہیلتھ انشورنس پروگرام اُتے لہور سنے پنجاب دیاں 4 ڈویژناں وچ باقاعدہ علاج شروع ہو چکیا اے ۔
