ملک وچ صدارتی نظام دا اجے کوئی امکان نہیں ،وزیر داخلہ

اسلام آباد( پنجابی میڈیا گروپ) وفاقی وزیر داخلہ شیخ رشید نے اک وار فیر واضح آکھیا اے کہ ملک وچ صدارتی نظام، ایمرجنسی یا عدم اعتماد دا کوئی امکان نہیں ، نوازشریف بد قسمت آدمی نیں جیہڑے جعلی رپورٹ اُتے باہر دے ملک گئے تے جعلی رپورٹ اُتے ہی لندن وچ رہ رہے نیں ، نہ ہی ڈیل یا ڈھیل دے رہے ہاں ، اپوزیشن دے تلاں وچ تیل نہیں ، اوہناں دے رنگ پسٹن بیٹھے ہوئے نیں ،اپوزیشن مارچ دا شوق پورا کر لئے ،27 فروری تے 23 مارچ نوں سبھ ویکھ لاں گے ،7 فروری نوںسعودی عرب دے وزیرداخلہ پاکستان آون گے،وزیراعظم عمران خان چین دے اہم دورے اُتے جا رہے نیں جیتھے چینی قیادت نال سی پیک تے دُوجے کماں اُتے تبادلہ خیال کراں گے۔