کراچی، پاک سرزمین پارٹی دا دھرنا چوتھے دن وی جاری

کراچی(پنجابی میڈیا گروپ) پاک سر زمین پارٹی (پی ایس پی)دا بلدیاتی ایکٹ دے خلاف دھرنا بدھ نوں چوتھے دن وی جاری رہیا ۔ پی ایس پی دے احتجاجی دھرنے وچ مختلف تاجر تنظیماں، مارکیٹ ایسوسی ایشناں، جیولرز ایسوسی ایشناں، فنکار، وکیلاں دیاں تنظیماں دے وفداں رلت کیتی۔پچھلے دناں وی صدر کراچی الیکٹرونکس ڈیلر ایسوسی ایشن محمد رضوان، جمیل پراچہ تے ہور تاجر تنظیماں، وکیلاں، فنکاراں دے نمائندہ وفود نے چئیرمین سید مصطفی کمال تے صدر انیس احمد قائم خانی نال ملاقات کیتی ۔ پاک سرزمین پارٹی دے سربراہ مصطفی کمال نے دھرنے دے چوتھے دن نیوز کانفرنس نال خطاب کردیاں ہویاں آکھیا کہ ایہ کوئی علامتی دھرنا نہیں، میرے کارکن ڈٹے ہوئے نیں۔