برطانیہ وچ نوازشریف علاج نہیں بلکہ اپنیاں فیکٹریاں دے دورے کر رہے نیں
اسلام آباد( پنجابی میڈیا گروپ)برطانیہ وچ علاج لئی رہن والے پاکستان مسلم لیگ (ن) دے قائد تے سابق وزیراعظم نوازشریف ہسپتالاں دے بجائے اپنیاں فیکٹریاں دے دوریاں وچ مصروف نیں ۔ سرکاری ٹی وی دے مطابق سابق وزیراعظم نوازشریف نے پُتراں دے نال مانچسٹر دے نیڑے نیلسن وچ فیکٹری دا دورہ کیتا۔ نواز شریف دے نال سابق وزیر خزانہ اسحاق ڈار وی فیکٹریاں دا معائنہ کرن لئی لندن توں نیلسن گئے جیتھے اوہناں نوں بریفنگ وی دتی گئی۔واضح رہے کہ جس فیکٹری دا نواز شریف نے دورہ کیتا اوہ لندن توں425 کلو میٹر دور نیلسن دے علاقے وچ قائم اے۔
