مریم تے نوکرانیاں6 مہینیاں توں نوازشریف دی واپسی اُڈیک رہیاں نیں : فیاض الحسن

لہور( پنجابی میڈیا گروپ) پنجاب دے وزیر جیل خانہ جات فیاض الحسن چوہان ہوراں آکھیا کہ مریم نواز تے اوہناں دیاںنوکرانیاں 6 مہینیاں توں نوازشریف دی واپسی اُڈیک رہیاں سن، آکھیا جا رہیا سی کہ نیلسن منڈیلا آرہیا اے، اسیں صرف بڑھکاں نہیں ماردے، ہیلتھ کارڈ دی خدمت مدتاں یاد رکھی جائے گی۔وزیر جیل پنجاب فیاض الحسن چوہان ہوراں آکھیا کہ دھی تے نوکرانی نے 6 مہینیاں توں محول بنایا سی کہ نوازشریف ملک آرہے نیں، جنی پُھڑتی نال نواز شریف جہاز دیاں سیڑھیاں چڑھے اونی پُھڑتی نال تے گلہری وی درخت اُتے نہیں چڑھدی ، منڈیلا نوں بچان لئی سپریم کورٹ بار نوں استعمال کیتا گیا ، ساریاں اخباراں وچ شائع ہویا کہ اوہناں نوں کوئی نویں بیماری ٹاٹا شابو ہوجائے گی ۔