غزل
اکرام مجید
ماں تے ایہو کرے دُعا پُت جدوں سفر تے جاون
ربا گھر دے لاڑے مڑ کے خیریں مہریں آون
جیہڑے پیر پساری بیٹھے ہین حیاتی ویہڑے
نویاں نسلاں اُتھاں غماں نوں شالا مار مکاون
واواں جد خشبواں کُچھڑ چکن رتاں بدلن
اودوں لکھاں یاداں کٹھیاں ہوکے دل تڑفاون
جاون والے خورے کدن تے کس رُتے پرتن
خورے سدھراں فیر کدوں ہُن سُوہے لیڑے پاون
اج کل تے اکرام نہ ملدے دردی ایس طرح دے
جیڑے چکڑ دے وچ ڈگیاں نوں چک سینے لاون
