فیڈرل انوسٹی گیشن ایجنسی وچ بھرتیاں دی اجازت، نوٹیفکیشن جاری

اسلام آباد: فیڈرل انوسٹی گیشن ایجنسی (ایف آئی اے) نوں فعال بنان لئی 1257نویاں آسامیاں تے بھرتی دی اجازت دیندیاں ایہدا نوٹیفکیشن جاری کر دتا گیا اے۔

وسیلیاں دے مطابق ایف آئی اے دے سربراہ واجد ضیا نوں ایس سلسلے وچ گرین سگنل دے دتا گیا اے۔ خیال رہوے حکومت نے 2013ء وچ وفاقی ایجنسی وچ بھرتیاں تے پابندی لاگو کیتی سی۔

ایف آئی اے نے پچھلے مہینے 22جنوری نوں بھرتیاں تے پابندی دے حکم نامہ وچ نرمی لئی خط لکھیا سی۔

آسامیاں وچ اک ایڈیشنل ڈائریکٹر جنرل تے 7ڈائریکٹر وی شامل نیں۔ ایہدے علاوہ جہڑیاں آسامیاں تے بھرتیاں کھولی گئیاں نیں اوہناں وچ 97انسپکٹر، 121سب انسپکٹر، 252اے ایس آئی، 159ہیڈ کانسٹیبل تے 373کانسٹیبل شامل نیں۔ وزارت خزانہ نے بھرتیاں دی اجازت دین دا نوٹیفکیشن وی جاری کر دتا اے۔

بھرتیاں دا سارا عمل بجٹ توں پہلاں کیتا جاوے گا۔ آئندہ مالی ورھے دے بجٹ وچ ایہناں آسامیاں لئی فنڈز فراہم کیتے جان گے۔