پیپلزپارٹی دی قیادت دا چودھری برادران نال رابطہ

لہور(پنجابی میڈیا گروپ) سیاسی رابطیاں وچ تیزی آگئی ۔ پیپلزپارٹی دی قیادت نے چودھری برادران نال رابطہ کرلیا ۔ سابق صدر آصف زرداری اج لہور وچ چودھری شجاعت نال ملاقات کرن گے۔ سابق صدر آصف علی زردی دی چودھری شجاعت نال ملاقات وچ قائم مقام گورنر چودھری پرویزالہی تے وفاقی وزیر مونس الہی وی رلت کرن گے۔ مسلم لیگ ق دے سیکرٹری جنرل و وفاقی وزیر طارق بشیر چیمہ ، مسلم لیگ ق دے رکن قومی اسمبلی چوہدری سالک حسین وی ملاقات وچ موجود ہون گے۔ چودھری شجاعت حسین تے چودھری پرویز الہی، سابق صدر آصف زرداری دے اعزاز وچ عشائیہ دیون گے۔ سابق صدر آصف علی زرداری ، سابق وزیراعظم چودھری شجاعت حسین دی خیریت دریافت کرن گے۔ ملاقات وچ ملکی سیاسی معملیاں اُتے گل بات ہوئے گی۔