پوری کوشش اے کہ حکومت گھر چلی جائے: شہباز شریف

لہور( پنجابی میڈیا گروپ) شہباز شریف ہوراں آکھیا کہ حکومت نوں اپنیاں کرتوتاں پاروں خوفزدہ ہونا چاہیدا اے، پوری کوشش اے حکومت گھر چلی جائے۔ قائد حزب اختلاف تے لیگی رہنما شہباز شریف نے میڈیا نال گل بات کر دیاں ہویاں آکھیا کہ ملک وچ تباہی اے، کرپشن اے ، غریب آدمی نوں تباہ دتا گیا اے، مہنگائی آسماناں اُتے ، کرپشن دے ریکارڈ ٹُٹ گئے، ٹرانسپرنسی انٹرنیشنل دی رپورٹ کرپشن ودھان دا کہہ رہی اے ۔ صحافی نے سوال کیتاکہ حکومت گھر چلی جائے گی پر لیگی رہنما نے آکھیا کہ ایہ تے اللہ ہی جاندا اے لیکن ساڈھی پوری کوشش اے ۔ دُوجے پاسے حمزہ شہباز نے آکھیا کہ وزارت عظمی اُتے اک جھوٹا شخص بیٹھا اے، جیہڑا اپنی جماعت نوں اکٹھا نہیں کر سکدا اوہ قوم نوں کیہ اکٹھا کرے گا ، عمران نیازی توں چھٹکارا حاصل کرنا قومی فریضہ اے، حکومتی اتحادی عمران نیازی ول نہیں قوم ول ویکھن، ورنہ قوم اوہناں دا وی محاسبہ کرے گی۔