سعودی وزیر داخلہ اک دن لئی پاکستان اپڑ گئے
اسلام آباد( پنجابی میڈیا گروپ) سعودی وزیر داخلہ شہزادہ عبدالعزیز بن سعود اک دن دے دورے اُتے پاکستان اپڑ گئے۔ وزیر داخلہ شیخ رشید نے نورخان ائیر بیس پنڈی اُتے سعودی وزیر داخلہ دااستقبال کیتا ۔ پاکستان تے سعودی عرب دے وزیراں دی وفد نال باضابطہ ملاقات وزارت داخلہ وچ ہوئے گی۔ سعودی وزیر داخلہ صدر مملکت عارف علوی تے وزیراعظم عمران خان نال ملاقات وی کرن گے۔ علاقیاں دی صورت حال سنے ، سعودی عرب وچ قید پاکستانیاں دی رہائی تے ہور اہم کماں اُتے گل بات ہوئے گی۔
