آئی ایم ایف: معاہدے دی تفصیل تشویشناک اے : شیری رحمان

اسلام آباد ( پنجابی میڈیا گروپ) شیری رحمان ہوراں آکھیا کہ آئی ایم ایف نال طے پان والے معاہدے دی تفصیل تشویشناک اے، کہانی منی بجٹ تے مرکزی بینک گروی رکھن تک نہیں رک رہی ۔ نائب صدر پیپلزپارٹی و سینیٹر شیری رحمان نے سماجی رابطے دی ویب سائٹ اُتے ٹویٹ کردیاں ہویاں آکھیا کہ آئی ایم ایف نے ہور ٹیکس ودھان ، ٹیکس چھوٹ ختم کرن تے بتی دی قیمت ودھن کرن دا مطالبہ کیتا اے،حکومت ہن آئی ایم ایف دی مرضی دے مطابق معیشت چلائے گی ، آئی ایم ایف نے آئندہ بجٹ وچ4کھرب30 ارب روپے دے نویں ٹیکس عائد کرن دا آکھیا اے، ایس دا مطلب اے کہ آئندہ سال تک مہنگائی گھٹ ہون دا کوئی امکان ہی نہیں، مہنگائی پہلے ہی13 فیصد اے جیہڑی 2 ورھیاں دی اُچی ترین سطح اُتے اے۔