یوٹیلیٹی اسٹور سیل ہدف حاصل کرن وچ نکام

لہور( پنجابی میڈیا گروپ) یوٹیلیٹی اسٹور کارپوریشن جنوری دا سیل ہدف حاصل کرن وچ نکام رہی تے سیل ہدف دے مقابلے 1 ارب38 کروڑ روپے گھٹ رہی ۔ دستاویزاں دے مطابق یوٹیلیٹی اسٹوراں ولوں جنوری2022 لئی رکھی گئی سیل ہدف 8 ارب ہدف دے مقابلے6 ارب62 کروڑ30 لکھ روپے رہی ۔ جنوری وچ سوائے سکھر دے سارے زونز سیل ہدف حاصل کرن وچ نکام رہے، کراچی زون دی سیل سبھ توں گھٹ ہو کے41 کروڑ79 لکھ روپے رہی جدکہ اسلام آباد زون دی سیل سبھ توں ودھ اک ارب20 کروڑ59 لکھ روپے رہی ۔ دستاویزات دے مطابق جنوری وچ سکھر زون دی سیل45 کروڑ34 لکھ روپے رہی جدکہ پچھلے مہینے پشور زون دی سیل78 کروڑ19 لکھ روپے رہی ۔ جنوری وچ لہور زون نے 1 ارب 89 کروڑ روپے دی سیل کیتی جدکہ ملتان زون دی سیل82 کروڑ10 لکھ روپے ریکارڈ کیتی گئی تے ایبٹ آباد زون دی سیل70 کروڑ24 لکھ روپے رہی۔