پورے پنجاب وچ ہیلتھ کارڈ: موجودہ حکومت دا تریخی کارنامہ اے’ ڈاکٹر یاسمین راشد
سرگودھا (پنجابی میڈیا گروپ) وزیرِ صحت پنجاب محترمہ ڈاکٹر یاسمین راشد ہوراں آکھیا کہ پنجا ب بھر وچ ہیلتھ کارڈ دا اجراء موجودہ حکومت دا تریخی کارنامہ اے۔ جس دی فراہمی نال ہر شہری نوں اپنی مرضی دے ہسپتال وچ 10لکھ روپے تک علاج دی سہولت دستیاب ہوئے گی ۔ صوبائی وزیر صحت ڈاکٹر یاسمین راشد نے سرگودھا ریجن وچ وزیراعظم عمران خان دے آبائی ضلع میانوالی دے دورہ اُتے گل بات کردیاں ہویاں آکھیا کہ میانوالی دے سارے وڈھے چھوٹے ہسپتالاں وچ علاج معالجہ دیاں جدید تر سہولتاں دی فراہمی لئی سارے ممکنہ وسائل فراہم کیتے جارہے نیں تے مستقبل وچ میانوالی دے ہر شہری نوں سرکاری ہسپتالاں وچ بلاامتیاز علاج معالجہ و تشخیص دیاں جدید ترین سہولیتاں میسر آون گیاں۔
