عوام نوں ریلیف دین لئی ہر حد تک جاواں گے: وزیراعظم
اسلام آباد: وزیراعظم عمران خان آکھیا اے عوام نوں ریلیف دین لئی حکومت ہر حد تک جاوے گی۔ اسلام آباد وچ وزیراعظم دی سربراہی وچ اجلاس ہویا جہدے وچ حکومتی ترجمان تے پارٹی دے سینئر رہنماواں نے رلت کیتی، اجلاس وچ ملک دی سیاسی صورتحال تے مہنگائی بارے معاشی ٹیم ولوں پیش کیتے گئے اعداد و شمار تے غور کیتا۔
ایس موقع تے ملک وچ مہنگائی تے قابو پان لئی اقدامات تے تجاویز تے تفصیلی تبادلہ خیال ہویا۔ وزیراعظم آکھیا حکومت دی اولین ترجیح ملک دے عوام خصوصاً غریب تے تنخواہ دار طبقہ اے، حکومت عوام دی تکلیفاں تے خاموش تماشائی نہیں بن سکدی، عوام نوں ریلیف دین لئی حکومت ہر حد تک جاوے گی۔
