وچھڑے لوک
خالدحسین تھتھال
وچھڑے لوک وی یاد انج آون
جیویں وِسریاں تھاہراں
جیویں کدے حیاتی دے وچ
دیکھیاں اُڈدیاں ڈاراں
بندہ آپ وی اپنے آپ تیں
وِچھڑ جاندا اے
اپنے آپ نوں وِسّر جاندا اے
اپنے آپ نوں ڈھونڈن لگیاں
بندہ آپ گڑوند ہو جاندا اے
کسے تیںایہہ پُچھن جوگا وی نہیں رہندا
مینوں کِسے نے ڈِٹھا اے کدھرے
اپنے آپ نوں وی نہیں پُچھدا
کون ایں کیہڑا ایںکتھے ایں توں
بندہ اوڑک ویلے نالوں پچھڑ جاندا اے
میلے نالوں نِکھڑ جاندا اے
