غزل
زاہدصدیقی
سانجھ سیاپے سیر نے قیدی کیتا اے
ایتھے ویر نوں ویر نے قیدی کیتا اے
پھلاں دی زنجیر نے قیدی کیتا اے
جیون اک تصویر نے قیدی کیتا اے
ڈگیا تے دھرتی چوں سومے پھٹن گے
ایہ جو پانی نیر نے قیدی کیتا اے
بیلے وچ کوئی چوری شوری آئوندی نئیں
کجھ نہ پچھو ہیر نے قیدی کیتا اے
اوہدے توں تقدیر پناہواں منگدی اے
جہنوں جہدے پیر نے قیدی کیتا اے
ساقی کوئی تدبیراں والا جام پیا
زاہد نوں تقدیر نے قیدی کیتا اے
