غزل
اقتدار جاوید
کالا شاہ سمندر بندہ لہراں وچوں نکلن
انھیاں سپاں وانگ جیوں سڑکاں شہراں وچوں نکلن
گل گل پانی آیا ہویا بُک بُک نکلن سدھراں
دھریا اگ تے لال کڑاہا زہراں وچوں نکلن
پانی دی شوکر مینوں کجھ سرت نہ لگن دیوے
ہڑ آیا کنج دا پیاں سو سو لہراں وچوں نکلنے
اکھاں اگے آ کے کنبیا کوئی نقش پرانا
پنڈا دن دے وانگوں سخر دوپہراں وچوں نکلن
شاعر لوکی کہڑے کہڑے قہراں وچوں نکلن
کئی سمندر وڈے وڈے بحراں وچوں نکلن
