ایل او سی اشتعال انگیزی، پاک فوج دی جوابی کاروائی وچ بھارتی فوجی ہلاک

راولپنڈی: ایل او سی تے بھارتی فوج دی اشتعال انگیزی تے پاک فوج دی بھرپور جوابی کاروائی وچ اک بھارتی فوجی ہلاک تے 3زخمی ہو گئے۔

پاک فوج دے شعبہ تعلقات عامہ (آئی ایس پی آر) دے مطابق بھارتی فوج نے اک واری فیر سیز فائر معاہدے دی خلاف ورزی کیتی تے ہٹ دھرمی دا مظاہرہ کردیاں لائن آف کنٹرول دے جندروٹ و نکیال سیکٹر دی شہری آبادی نوں نشانہ بنایا۔

آئی ایس پی آر دے مطابق بھارتی فوج ایل او سی تے جندروٹ و نکیال سیکٹر دی شہری آبادی نوں نشانہ بنا رہی اے تے فائرنگ دے گولہ باری وی کر رہی اے، پاک فوج ولوں وی بھرپور جوابی کاروائی کیتی تے جوابی کاروائی وچ اک بھارتی فوجی ہلاک ہو گیا، جد کہ اک بھارتی میجر سنے 3فوجی زخمی وی ہوئے۔