میں نہیں سی

امرجیت سنگھ سندھو

بن کے راون پِھردا جو ہنکاریا سی، میں نہیں سی
بن کبیرا ہؤمے نوں جس ماریا سی، میں نہیں سی
میری غیرت ساہمنے نہیں عشق بن سکدا اڑکا
چھوکری خاطر جیہنے وگ چاریا سی، میں نہیں سی
ظلم دے سینے چ جس داغی سی گولی، میں ہی ساں اوہ
سچ دے سینے چ جس پھل ماریا سی، میں نہیں سی
جے میں کلغی دھر دے ہتھوں مردا، پھر جونے نہ پیندا
جس نوں اس دی تیغ نے سنگھاریا سی، میں نہیں سی
میں تاں اس دے نام تے پیا پالداں پریوار اپنا
قوم توں پریوار جس نے واریا سی، میں نہیں سی
ایہہ تاں ہو سکدے، میں اپنا ہک ادا کیتا نہ ہووے
پر جنیا ہکدار دا ہک ماریا سی، میں نہیں سی
سکھی پہراوے چ سجن ٹھگن ہاں، سجن نہیں میں
سیس دے، سکھی دا جس مُل تاریا سی، میں نہیں سی
جس نے مردانے نوں پانی نہیں سی دتا، اوہ تاں میں ساں
جس نے پر نانک نوں پتھر ماریا سی، میں نہیں سی
جانداں میں، جس نے سِکھ ساڑے سی دِلی، توں نہیں سیں
ہندواں نوں بساں چوں جس ماریا سی، میں نہیں سی
میری ہستی نوں پچھانو دوستو، ایوں تاں نہ آکھو
کہ سکندر نوں جنیھ للکاریا سی، میں نہیں سی
اَنکھ ونگاری سی جس نے، اس نے ایداں ہی سی مرنا
کاش! میں ہوندا، مگر جس ماریا سی، میں نہیں سی
میں کدی ہٹلر نوں مارن دی تاں سوچی ہووْ سندھو
سونہہ گورو دی، جس نے گاندھی ماریا سی، میں نہیں سی