پشاور وچ کرونا وائرس دا اک ہور مشتبہ کیس ساہمنے آ گیا
پشاور: لیڈی ریڈنگ ہسپتال وچ کرونا وائرس دا اک ہور مشتبہ کیس داخل ہوا اے۔ 23سالہ ضیا الرحمان دا تعلق ارمڑ توں اے تے اوہ چین توں آیا اے۔
ضیا الرحمان نوں ایل آر ایچ وچ قائم کرونا آئسولیشن وارڈ وچ داخل کر دتا گیا اے۔
لیڈی ریڈنگ ہسپتال دے ترجمان دا کہنا اے مشتبہ مریض دے خون دے نمونے فوری طور تے این آئی ایچ گھل دتے گئے نیں۔
واضح رہوے ایس توں پہلاں وی پشاور وچ کرونا وائرس دے مشتبہ کیس ساہمنے آندے رہے نیں پر ہن تک کسے مریض وچ ایہدی تصدیق نہیں ہوئی۔
