راولپنڈی ٹیسٹ وچ پاکستان نے بنگلہ دیش نوں اننگز تے 44سکور توں ہرا دتا

راولپنڈی: راولپنڈی ٹیسٹ وچ پاکستان نے بنگلہ دیش نوں اک اننگز تے 44سکور توں ہرا دتا۔ راولپنڈی وچ بنگلہ دیش دے خلاف کھیڈے گئے ٹیسٹ میچ وچ بنگلہ دیشی اپنی پہلی اننگز وچ 233 سکور بنا کے آؤٹ ہوئی جہدے جواب وچ پاکستانی ٹیم 445سکور بنان دے بعد آؤٹ ہوئی تے انج گرین شرٹس نوں پہلی اننگز وچ 212سکور دی برتری حاصل ہوئی جہدے جواب وچ مہمان ٹیم صرف 168سکور تے ڈھیر ہو گئی۔ ٹیسٹ میچ دے چوتھے دیہاڑ بنگلہ دیش نے 6وکٹ دے نقصان تے 126سکور توں اپنی نامکمل اننگز دا آغاز کیتا تے شاہین شاہ آفریدی نے آغاز وچ ای بنگلہ دیشی کپتان مومن الحق نوں پویلین واپس گھل دتا اوہ 41سکور دی اننگز کھیڈ کے آؤٹ ہوئے جہدے بعد روبیل حسین محمد عباس دا شکار بنے تے باقی دو وکٹاں یاسر شاہ دے حصے آئیاں۔پاکستان ولوں نسیم شاہ نے شاندار بولنگ دا مظاہرہ کیتا تے کیریئر دی پہلی ہیٹ ٹرک کردیاں 4وکٹاں حاصل کیتیاں جد کہ یاسر شاہ نے وی چار وکٹاں اپنے ناں کیتیاں۔ نسیم شاہ نوں ہیٹ ٹرک کرن تے مین آف دی میچ نال وی نوازیا گیا۔

دوجی اننگز وچ قومی ٹیم ولوں بابر اعظم 143، شان مسعود 100، حارث سہیل 75تے اسد شفیق 65سکور بنا کے ٹاپ سکورررہے جد کہ بنگلہ دیش ولوں روبیل حسین تے ابو جائید نے 3,3وکٹاں حاصل کیتیاں۔