وزیراعظم عمران خان دا مہنگائی دے سدباب لئی 15ارب روپے دا پیکیج لیان دا فیصلہ

اسلام آباد: وزیراعظم عمران خان نے مہنگائی دے سدباب تے غریباں نوں ریلیف دین لئی 15ارب روپے دا پیکیج لیان دا اعلان کیتا اے۔

وسیلیاں دے مطابق ایہ اہم فیصلہ وزیراعظم دی زیر صدارت ہون والے معاشی ٹیم دے اجلاس وچ کیتا گیا۔ اجلاس وچ فیصلہ کیتا گیا کہ مہنگائی دے خلاف 15ارب دا پیکیج لیایا جاوے گا۔ ذرائع دے مطابق اجلاس وچ فیصلہ کیتا گیا کہ یوٹیلیٹی سٹور دے راہیں کھان پین دیاں چیزاں تے ریلیف دتا جاوے گا۔

کھان پین دی چیزاں دیاں قیمتاں نوں ضلع دی سطح تے انتظامیہ دے راہیں مانیٹر کیتا جاوے گا۔

ایہدے علاوہ ذخیرہ اندوزاں دے خلاف بھرپور کاروائی کیتی جاوے گی۔ 15ارب روپے دے پیکیج وچ ساری اہم اشیائے خورونوش شامل ہون گیاں۔ عام شہریاں نوں یوٹیلیٹی سٹوراں توں سستی شیواں ملن گیاں۔