نعت شریف
عبدالحمید نظامی
تینوں نظر کدے نہیں بد لگنی نعلین مبارک چمیا کر
کوئی تیرے تے نہیں حد لگنی نعلین مبارک چمیا کر
بوہتی لنگھ گئی اے بن عقشوں، ہن عشق نبیؐ وچ لنگھدی اے
ایہہ زندگی اس توں ودھ لگنی نعلین مبارک چمیا کر
سوہنے دیاں گلاں باتاں تے ہن اوہدیاں نعتاں اگے
ایہہ دنیا ساری رد لگنی نعلین مبارک چمیا کر
سرکار دے پاک نعلیاں نوں سرکار دی نسبت حاصل اے
ایہہ سمجھ ہے تینوں کد لگنی نعلین مبارک چمیا کر
لکھ م‘ ح‘ فیر‘ م د‘ تاں دل نوں ٹھنڈاں پینیاں نے
جد نور دی اُتے شد لگنی نعلین مبارک چمیا کر
توں ہر ویلے نہ رویا کر، کر آقا دے دیدار دی گل
تیری قسمت دے وچ تد لگنی نعلین مبارک چمیا کر
ایہہ مینوں پتہ نظامیؔ جی، توں راضی اودوں ہونا
تیری طیبہ حاضری جد لگنی نعلین مبارک چمیا کر
