نعت شریف
عبدالحمید نظامی
ٹہنی ٹہنی پھُل پتیاں تے دھوڑ ہے پاک نعلیناں دی
جگ دیاں جَتیاں سَتیاں تے دھوڑ ہے پاک نعلیناں دی
رات دے سمرے طیبہ پاک وچ جگمگ روشنی ویکھی جد
انج لگیا جگدیاں بتیاں تے دھوڑ ہے پاک نعلیناں دی
ولیاں رب مناون دے لئی ساہواں دے ہر ہر گیڑے
چرخے پونیاں کتیاں تے دھوڑ ہے پاک نعلیناں دی
سخی حسینؓ نے کربل نوں ایویں شاناں بخشیاں نہیں
کربل دیاں ریتاں تتیاں تے دُھوڑ ہے پاک نعلیناں دی
رانجھا راضی کرن نظامیؔ سر تے رکھیاں دستاراں
ساویاں کھٹیاں رَتّیاں تے دھوڑ ہے پاک نعلیناں دی
