ایف ایم پنجاب رنگ راولپنڈی تے ڈیپارٹمنٹ آف ماس کمیونیکیشن ولوں جَگت ماں بولی دیہاڑ دے حواے نال آگاہی واک

رپورٹ: ممتاز ملک

ہر سال 21 فروری نوں جگ بھر وچ ماں بولی دی اہمیت بارے آگاہی لئی مادری زباناں دا عالمی دیہاڑ منایا جاندا اے۔ ایس حوالے نال ایف ایم پنجاب رنگ راولپنڈی تے ڈیپارٹمنٹ آف ماس کمیونیکیشن نے ماں بولی پنجابی دی اہمیت نوں اُجاگر کرن لئی اک آگاہی واک دا پربندھ کیتا۔

جہدے وچ اسٹیشن ڈائریکٹر ناصر احمد، انجینئر سید عماد تابش، پروفیسر نسیم انور، لیکچرار غلام معاز جان، ٹیکنیشن ولید آصف سمیت پڑھیاراں نے رلت کیتی۔ایس موقعے اتے گل بات کرن والیاں دا کہنا سی کہ کوئی وی قوم ماں بولی نوں چھڈ کے ترقی نہیں کر سکدی۔ ساہنوں سبھ نوں رَل کے ماں بولی پنجابی دے ودھا لئی کم کرنا چاہیدا اے تے اپنے بالاں نوں اپنی زبان تے رہتل دی اہمیت نال جانوں کرن دی لوڑ اے۔ ایس موقعے تے رلتیاں ماں بولی دے حق وچ نعرے وی لائے تے ایس گل تا اعادہ کیتا کہ ہر جی اپنے طور تے پنجابی زبان دے ودھا لئی اپنا اپنا حصہ ضرور پائے گا