تیریاں اُڈیکاں چنا

بھپندرپنیوالیا

کِنے لنگھ گئے سِیال
کِنے بیت گئے ہُنال
پلے جھٹے واری واری اکھاں بھر بھر سُکیاں
تیریاں اُڈیکاں چنا ہالے نہیوں مُکیاں
تیری جُدائی دے گئی غماں دی سوغات وے
سوچاں وِچ دِن لنگھے نیناں وِچ رات وے
سخیاں سہیلیاں دینوں طعنے نہ اُکیاں
تیریاں اُڈیکاں چنا ہالے نہیوں مُکیاں
کِتھے گیا موہ تیرا کِتھے گئے وعدے وے
کیوں ہویا دُور کیویں بدلے اِرادے وے
کِتھے گئیاں جو سی قسماں توں چُکیاں
تیریاں اُڈیکاں چنا ہالے نہیوں مُکیاں
ہِجراں دی اگ ہر ویلے رہے سینے ٰچ مچدی
روواں جھینی وان میں اُتوں اُتوں روٍاں ہسدی
تیرے بانجھوں دِل دِیاں کِسے وی نہ پُچھیاں
تیریاں اُڈیکاں چنا ہالے نہیوں مُکیاں
کلا کلا پل جُدائی والا بڑا اوکھا بیتدا
دِل ہوندا اے اُداس آوے جدوں چیتا اتیت دا
سبراں دے تلاع سُکے نالے اکھیاں وی سُکیاں
تیریاں اُڈیکاں چنا ہالے نہیوں مُکیاں
اُمیداں نال جِیوندا ہر انسان وے
تیری کرنا اُڈیک چنا ساڈا ایمان وے
تیری میں مناواں خیر نالے سُکھاں نے سُکھیاں
تیریاں اُڈیکاں چنا ہالے نہیوں مُکیاں