وزیراعظم نوں اپنا انجام نظر آ رہیا اے ایس لئی اوہ دھمکیاں دے رہے نیں’ شہباز شریف
لہور( پنجابی میڈیا گروپ) پاکستان مسلم لیگ (ن) دے صدر و قائد حزب اختلاف شہباز شریف نے آکھیا اے کہ وزیراعظم نوں اپنا انجام نظر آ رہیا اے ایس لئی اوہ دھمکیاں تے بازاری زبان اُتے اتر آئے نیں، چور چور دے بیان اوہ دے رہیا اے جس دا ذہن مائوف ہو چکیا اے ، نہیں چھڈاں گا تے چور ڈاکو اینج دا شخص کہہ رہا اے جیہڑا خوفزدہ اے، اک مہذب شخص اینج دی گفتگو نہیں کردا جیہڑا عمران خان کر رہے نیں ،ساہمنے آن تے مقابلہ کرن ، اوچھے ہتھکنڈے استعمال کرنا بند کرن، عمران خان جیتھے وی جا رہے اوتھے اوتھے غلاظت دے ڈھیرجمع کر کے جا رہے نیں اوہناں دی غلاظت دے ڈھیر کون صاف کرے گا ؟، عمران خان گھٹیا سیاست کر رہے نیں ،نازک معملیاں اُتے غیر محتاط بیان نال کشمیر کاز نون نقصان ہوئے گا ۔ عدالت وچ پیشی دے موقع اُتے میڈیا نال گل بات کردیاں ہویاں شہباز شریف نے آکھیا کہ عمران نیازی جس طرح دی زبان استعمال کررہے نیںاوس نوں زبا اُتے وی نہیں لایا جاسکدا لیکن ایس توں ثابت ہندا اے کہ اوہناں دا انجام نیڑے اے ۔
