نعت شریف
گلفام نقوی
مری ستی قسمت جگا سچے سائیاں
ایہہ تتڑی نوں در تے بلا سچے سائیاں
میں دیداں دی تسی کِتے مر نہ جاواں
مینوں آب زم زم پلا سچے سائیاں
گناہ گار عاجز تے کوجھی کوچجڑی
زیارت دی کردی دعا سچے سائیاں
ہوس دے ہنیرے چ رلدے نیں جہڑے
سدھے راہ اوہناں نوں وکھا سچے سائیاں
بلالاں‘ اویساں تے زیداں جو پائی
محبت اوہ کر دے عطا سچے سائیاں
محمدؐ محمدؐ دی آواز آوے
مرا دل او تونبا بنا سچے سائیاں
عطا ظرف کر دے کجھ ایسا کہ گل نوں
رہوے نہ کسے تے گلا سچے سائیاں
