قومی اسمبلی وچ مسٹر 10پرسنٹ دے ذکر تے شور شرابا، اراکین گتھم گتھا
اسلام آباد: قومی اسمبلی وچ مسٹر 10پرسنٹ دے ذکر تے اپوزیشن ارکان نے عمر ایوب دی نشست دا گھیراؤ کر لیا۔ آغا رفیع اللہ حکومتی ارکان نال گتھم گتھا ہو گئے، عمر ایوب دی تقریر دے دوران پیپلزپارٹی نے احتجاج کیتا۔
ایس توں پہلاں وفاقی وزیر توانائی عمر ایوب نے قومی اسمبلی وچ اظہار خیال کردیاں آکھیا حفیظ شیخ نے تفصیل نال اعداد و شمار دے نال گل کیتی، دوجے پاسے بدقسمتی نال اپوزیشن نے بغیر دلیل دے گل کیتی، خیال رسی اپوزیشن توں حکومت نوں تجاویز ملن گیاں، اپوزیشن نوں سمجھنا ہووے گا کہ حقائق توں تسیں اکھ نہیں لُکا سکدے، خیال سی ماضی دی غلطیاں تے شرمندہ ہو کے چنگی تجاویز دیواں گے۔
عمر ایوب دا کہنا سی زیادہ نوٹ چھاپن دا خمیازہ عمران خان حکومت نے بھگتیا، اپوزیشن دے ارکان اپنا ماضی بُھل گئے نیں، ن لیگ نے 5ورھے وچ 101فیصد زیادہ نوٹ چھاپے، مسلم لیگ (ن) 30ہزار ارب قرض چھڈ کے گئی، پیپلزپارٹی حکومت نے قرض15ہزار ارب تک اپڑا دتا، 30ہزار قرض لین دا خمیازہ سب بھگت رہے نیں۔
