وزیراعلیٰ پنجاب دی یاسمین راشد نوں عوام نوں ہر ممکن صحت دی سہولتاں دین دی ہدایت
لہور: وزیراعلیٰ پنجاب نال صوبائی وزیر صحت ڈاکٹر یاسمین راشد نے ملاقات کیتی، سردار عثمان بزدار نے عوام نوں ہر ممکن صحت دی سہولتاں دین دی ہدایت کیتی۔ عثمان بزدار دا کہنا سی صوبہ بھر وچ سوا تن کروڑ بندے صحت انصاف کارڈ دی سہولت توں مستفید ہون گے، صحت انصا ف کارڈ دے ر اہیں غریب عوام بہترین نجی ہسپتالاں وچ علاج دی سہولت توں فائدہ چک رہے نیں۔
اوہناں آکھیا اسیں عوام دی زندگیاں وچ آسانیاں پیدا کیتیاں نیں، احساس پنجاب پروگرام تبدیلی دے وعدے دی تکمیل ول نمایاں قدم اے۔ وزیراعلیٰ پنجاب دا کہنا سی احساس پروگرام دے راہیں عوام دی محرومیاں دا ازالہ ممکن ہووے گا، محروم تے نظر انداز طبقے دی احساس پنجاب پروگرام دے راہیں معاونت کیتی جاوے گی۔
اوہناں دا کہنا سی احساس پنجاب پروگرام ایثار تے ہمدردی دا خوبصورت امتزاج اے، مستحق عورتاں، بالاں تے بزرگاں دی سہولت لئی ای خدمت مراکز تے ون ونڈو ویلفیئر کاؤنٹرز بنان لئی ہدایتاں جاری کر دتیاں نیں۔
