چودھری شجاعت دی عمرہ ادائیگی گے بعد روضہ رسولؐ تے حاضری
ریاض: صدر مسلم لیگ (ق) چودھری شجاعت نے عمرے دی ادائیگی دے بعد روضہ رسول ؐ تے حاضری دتی، عمران خان حکومت لئی خوب دعاواں کیتیاں۔
کہندے نیں عمران خان لئی مشورہ محفوظ اے، پاکستان جا کے دساں گا، چاہنے آں حکومت مدت پوری کرے چودھری شجاعت حسین عمرہ ادائیگی دے بعد روضہ رسولؐ تے حاضری لئی مدینہ منورہ اپڑ گئے۔
چودھری شجاعت حسین نے روضہ رسولؐ تے حاضری دتی تے ملک دی سلامتی تے کشمیریاں لئی خصوصی دعا کیتی۔
چودھری شجاعت حسین دا ایس موقع تے صحافیاں نال گل کردیاں کہنا سی عمران خان دی حکومت لئی وی خصوصی دعا کیتی اے، حکومتی اتحادی آں تے چاہنے آں کہ حکومت اپنی مدت پنج ورھے پوری کرے۔ جدوں صحافی نے سوال کیتا کہ عمران خان نوں کیہ مشورہ دینا اے؟
تے چودھری شجاعت حسین آکھیا ایہ پاکستان واپس جا کے اوہناں نوں دساں گا۔ اوہناں آکھیا پاکستان بڑا سوہنا تے امن و بھائی چارے دے کلچر نوں فروغ دین والا ملک اے۔ مینوں پوری آس اے کہ بڑی جلدی پاکستان معاشی بحران توں نکل آوے گا۔
