حکومتی کاروائی دا ڈر، ذخیرہ اندوزاں نے مارکیٹ وچ کھنڈ دی سپلائی شروع کر دتی

کراچی: سرکار ولوں ذخیرہ اندوزاں دے خلاف کاروائی دے اعلان تے اشیائے خوردونوش دی قیمتاں وچ کمی بارے اقدامات پاروں ذخیرہ اندوز پریشان ہو گئے نیں۔ ذخیرہ اندوزاں نے ممکنہ کاروائی دے پیش نظر ذخیرہ شدہ کھنڈ دے ذخائر نوں مارکیٹ وچ سپلائی کرنا شروع کر دتا اے، جو تھوک مارکیٹ وچ کھنڈ دی قیمتاں تے وی اثر انداز ہوئیاں نیں، اج ملک دی سب توں وڈی اجناس دی تھوک مارکیٹ جوڑیا بازار وچ فی 100کلوگرام کھنڈ دی بوری دی قیمت 200روپے دی کمی نال 7ہزار 300روپے تے آ گئی اے جہڑی ایس توں پہلاں 7ہزار 500روپے وچ فروخت کیتی جا رہی سی پر خوردہ سطح تے ہن وی 79تا80روپے فی کلوگرام دے حساب نال کھنڈ فروخت کیتی جا رہی اے۔

تھوک مارکیٹ وچ بدھ نوں چینی دی فی کلو گرام قیمت وچ 2روپے دی کمی واقع ہون نال توقع اے کہ ریٹیلرز ولوں وی جمعرات نوں فی کلوگرام کھنڈ دی قیمت وچ 2تا3روپے دی کمی واقع ہوئی تے فی کلوگرام کھنڈ دی قیمت گھٹ ہو کے 77تا78روپے دی سطح تے آ جاوے گی۔