آئی ایم ایف وفد دی خزانہ کمیٹی نال ملاقات، اہداف حاصل نہ ہون تے تشویش دا اظہار

اسلام آباد: آئی ایم ایف دی خزانہ کمیٹی حکام نال ملاقات ہوئی جہدے وچ معاشی صورتحال تے گل بات کیتی گئی۔ معاہدے دے تحت اہداف حاصل نہ ہون تے مالیاتی ادارے نے تشویش دا اظہار کیتا۔

ذرائع دے مطابق آئی ایم ایف وفد دے نال قومی اسمبلی تے سینیٹ دی قائمہ کمیٹی برائے خزانہ دا مشترکہ اجلاس ہویا جہدے وچ ایجوکیشن، ہیلتھ، واٹراینڈ سینی ٹیشن سنے 5ایس ڈی جیز تے گل ہوئی۔

آئی ایم ایف وفد نے ملاقات وچ پاکستان دی معیشت نوں کھولن دی لوڑ تے زور دیندیاں آکھیا برآمدات وچ وادھے لئی اقدامات دی لوڑ اے جد کہ نویں تے چھوٹے درجے دے ایکسپورٹر نوں ودھانا چاہیدا اے۔

وفد نے کاروبار لئی ماحول نوں بہتر بنان دی لوڑ تے زور دتا۔ چیئرمین خزانہ فیض کموکا نے اجلاس دے بعد دسیا آئی ایم ایف دے نال مذاکرات مکمل ہون تے اگلی قسط جلدی ملن دی آس اے پر ٹیکس اہداف حاصل کرنا مشکل نظر آ رہیا اے۔