معاشی جرائم پاروں سالانہ 3.5کھرب ڈالر دا نقصان ہوندا اے
کراچی: بین الاقوامی سطح تے معاشی جرائم پاروں ہر ورھے 3.5کھرب ڈالرز توں ودھ دا نقصان ہوندا اے جہڑا برطانیہ دی جی ڈی پی توں ودھ اے۔
ایہناں معاشی جرائم دے نتیجے وچ لاتعداد بندے اپنی بچتاں، نوکریاں تے بعض اوقات ایس توں وی ودھ توں محروم ہو جاندے نیں۔
دی ایسوسی ایشن آف چارٹرڈ سرٹیفائیڈ اکاؤنٹنٹس تے ارنسٹ اینڈ ینگ دی مشترکہ رپورٹ وچ کاروباری اداریاں نوں درپیش جدید ٹیکنالوجی دے ماہر حملہ آوراں ولوں خلاف ورزی نال دفاع ورگے چیلنجاں دا تذکرہ وی کیتا گیا اے۔
ریسرچ وچ شامل پینل دے مطابق ہن وی ایک اجیہا ریگولیٹری ماحول پیدا کرن دی لوڑ اے جہڑا مالی جدت نوں اعانت فراہم کرن دے نال صارفین تے کاروباری اداریاں لئی خطرات وی گھٹ کرے۔
پالیسی سازاں تے ریگولیٹرز نوں لازماً ٹیکنالوجی دے شعبے وچ پانی جان والی سست روی تے قابو پانا چاہیدا اے تے خاص طور تے جتھے قنون سازی تے ٹیکنالوجی کافی حد تک اک دوجے دے نال موجود نیں۔
