میں تینوں یاد آواں گا
اعظم توقیر
میں تینوں یاد آواں گا
توں مینوں بھل تے نہیں سکدا
میں تینوں یاد آواں گا
کدی سورج دی لالی وچ
کدی چانن دی لوء دے وچ
کدی پھُلاں دی خوشبو وچ
کدی پنجاب دے ماہیے
کدی دوہڑے دے مصرعے وچ
میں تینوں یاد آواں گا
میں تینوں یاد آواں گا
بہاراں وچ خزاواں وچ
کدی ساون دی کن من وچ
کدی کوئل دی کوکو وچ
میں تینوں یاد آواں گا
کدی خواباں خیالاں وچ
کدی رسماں رواجاں وچ
کدی ترنجناں
کدی اکلاپیاں دے وچ
میں تینوں یاد آواں گا
توں مینوں بھل تے نہیں سکدا
