لیکھاں سڑی
یونس بھٹی
لَے نی لیکھاں سڑیے فیر اج
لٹی گئی ایں دن دیہاڑے
تیرے گہنے نہیں سی رہنے
تیرے لیکھ نیں ازلوں ماڑے
ظالم فیر گھسیٹ کے تینوں
لے جاون گے اپنے ڈیرے
سپاں وانگوں ڈنگ کے تھاں تھاں
تن نوچن گے فیر لٹیرے
بھاویں روویں تے کرلاویں
تیریاں چیکاں سننیاں کس نے
کلم کلا تیرا پت سی
آنا سی بچاون جس نے
اج اس تیرے انکھی پت نوں
چوراں رل کے ڈھاہ لیا اے
اوہدی ہک تے چڑھ کے بہ گئے
اوہنوں وی دے پھاہ لیا اے
