نعت شریف

عبدالحمید نظامی

جگ ہو گیا ویکھ حیران نعلین مبارک تیرے
سدرا توں اگے جان نعلین مبارک تیرے
میں چم لواں اک وار چلو سفنے اندر سعی
کر دین پورے ارمان نعلین مبارک تیرے
اسیں عزتاں والے ہوئے آقا دے قدمیں لگ کے
پئے کملیاں نوں سمجھان نعلین مبارک تیرے
پا گئے نے کنی عظمت پیراں دیاں تلیاں چم کے
پئے عاشقاں نوں تڑپان نعلین مبارک تیرے
ایناں کو جاننے آں اساں انج نہیں پکیاں لائیاں
ایہہ لگیاں توڑ نبھان نعلین مبارک تیرے
اک نکا جناں کم ایہہ کر سکدے نیں سائیاں
جھلی دے عیب چھپان نعلین مبارک تیرے
میں کملی جھلی نوں دس کہڑا جان دا سی
گئے بن میری پہچان نعلین مبارک تیرے
مل جاوے نظامیؔ نوں تیرے جوڑیاں دی جے دھوڑ
میرے ورگا کون انسان نعلین مبارک تیرے