اسلاموفوبیا دے خلاف قرارداد دی منظوری وزیراعظم عمران خان دی دینی خدمات دی زندہ مثال

صباح الدین

مدتاں مگروں اک بہت ای چنگی تے سکون آور خبر سنن نوں ملی۔ تے اوہ ایہہ کہ اقوام متحدہ نے اسلامی تعاون تنظیم (او آئی سی) ولوں پاکستان دی اسلاموفوبیا دے خلاف تیار کیتی گئی قرارداد نہ صرف منظور کر لیتی اے بلکہ 15مارچ دے دیہاڑ نوں اسلاموفوبیا نال نبڑن دا عالمی دن وی قرار دے دتا۔ پاکستان ولوں تیار کیتی جان والی قرارداد دی منظوری تے وزیراعظم عمران خان نے اپنے اک ٹویٹ پیغام وچ امت مسلمہ نوں مبارکباد دیندے ہوئے آکھیا کہ پندرہ مارچ دا دن پوری امت مسلمہ لئی نہایت مبارک دن اے کہ ایس دن توہین رسالت دے خلاف ساڈی آواز سنی گئی تے بالآخر دنیا نے اسلاموفوبیا نوں چیلنج سمجھدے ہوئے ایہنوں تسلیم کیتا بلکہ ایس حوالے نال قرارداد منظور کیتی گئی تے ایہو نہیں بلکہ پندرہ مارچ دے دن نوں اسلاموفوبیا نال نبڑن دا عالمی دن وی قرار دے دتا گیا جہدے لئی اوہ پوری امت مسلمہ نوں مبارکباد دیندے نیں۔ قرارداد دا مسودہ پیش کرن دی سعادت بابرکت دا اعزاز قوام متحدہ وچ پاکستان دے مستقل مندوب تے سفیر منیر اکرم نے حاصل کیتا جنہاں دا قرارداد پیش کردے ویلے آکھنا سی کہ اسلاموفوبیا اک حقیقت اے۔ دین حق دے خلاف نفرت انگیز تقریراں تے مواد دے علاوہ دنیا وچ مسلماناں نال ا متیازی سلوک تے تشدد وچ ویلا لنگھن دے نال نال وادھا ہوندا جا رہیا اے جہڑا سنگین مسئلہ ای نہیں عالمی انسانی حقوق دی خلاف ورزی وی اے تے جہڑا عالم اسلام وچ شدید اضطراب دا کارن اے۔
دوجے پاسے ایس حوالے نال بھارت دا ایہہ افسوسناک امر وی سامنے آیا اے کہ اوہنے اسلاموفوبیا دے خلاف یو این او وچ قرارداد دی منظوری دے موقعے نوں وی روایتی مسلم دشمنی دی بھینٹ چڑھاندے ہوئے ہتھ توں جان نہیں دتا تے گو کہ قرارداد دی بلاواسطہ مخالفت تے نہیں کیتی مگر بلاواسطہ طور تے ایہدی حمایت وی نہیں کیتی۔ یو این او وچ بھارت دے مستقل مندوب ٹی ایس ترمورتی دا آکھنا سی کہ دنیا وچ اسلاموفوبیا دے علاوہ دوجے مذہباں دے لوک برادریاں جنہاں وچ عیسائی ہندو سکھ شامل نیں جنہاں دی وی مختلف حوالیاں نال اوہناں دے مذہبی عقیدیاں دی توہین دا سلسلہ چلدا رہندا اے لہٰذایس پاسے وی توجہ دتی جانی چاہیدی اے۔ بھارتی مندوب دی بغیلی نوں اک پاسے رکھدے ہوئے ویکھیا جاوے تے توہین رسالت اسلاموفوبیا جو وی آکھیا جاوے درست تصور ہوندا اے دا سلسلہ مدتاں توں جاری سی جہدے تے مسلمان آواز تے چکدے رہے سن مگر اوہ آواز صرف اک دن تک بلند ہوندی تے فیر خموش ہو جاندی مگر ایہہ پہلی واری ہویا اے تے ایس حقیقت نوں کوئی جھٹلا وی نہیں سکدا کہ اسلامی دنیا دی تریخ وچ وزیراعظم عمران خان اوہ واحد مسلمان حکمران نیں جنہاں نے دنیا دے مختلف ملکاں خصوصاً اقوام متحدہ دی جنرل اسمبلی وچ پہلی واری توہین رسالت دے خلاف آواز چکی جہدے توںاوہناں دی دین اسلام خدااتے ایمان و محبت دا والہانہ اظہار سامنے آندا اے جہدے لئی اوہ بجا طور تے لائق تحسین تے شاباش نیں تے ایہہ کریڈٹ اوہناں نوں دتا جانا وی چاہیدا اے۔
توہین رسالت دے واقعات اتے غور کیتا جاوے تے ایہناں دا سلسلہ صدیاں پرانا اے۔ ایس سلسلے وچ 1929دے اک واقعے دی مثال دتی جا سکدی اے جہدے وچ اک ہندو پبلشر راج پال نوں توہین رسالت دے ارتکاب وچ مشہور زمانہ مسلمان مجاہد غازی علم دین شہید نے قتل کردتا سی۔ مردود راج پال نے رحمت اللعالمین ﷺدی شان وچ گستاخی کردے ہوئے اپنی اک کتاب ’’رنگیلا رسول‘‘ شائع کیتی سی جہدے تے غازی علم دین نے اوہنوں اوہدی دکان دے اندر ای قتل کر کے جہنم واصل کر دتا۔ ایہدے مگروں اک تے اک مگروں دوجا فیر تیجا واقع وی ظہور پذیر ہویا مگر دو سال پہلے ڈنمارک دے مردود کارٹونسٹ ولوں جدوں رسول اللہﷺ دی ذات مبارکہ دے حوالے نال متنازعہ کارٹون جاری کیتے گئے تے فیر ستم بالاستم دے مصداق نہ صرف کارٹون شائع کیتے گئے بلکہ جدوں اوہدے تے ڈنمارک دے صدر ولوں اوہنوں اظہار رائے دی آزادی نال منسوب کیتا گیا تے فیر گل قابو توں باہر ہوگئی تے ویکھیا جاوے تے ایہو اوہ واقعہ سی جہڑا وزیراعظم عمران خان بھلائے نہ بھلا سکے تے انج گل عالمی انصاف دے اداریاں تک جا پہنچی مگر مقام افسوس کہ دو سال پہلے پیش کیتی گئی قرارداد رد کردتی گئی جہدے مگروں ایہہ قرارداد اسلامی تعاون تنظیم دے ذریعے دوبارہ پیش کیتی گئی جہدے تے یو این او حکام نے کجھ دن پہلے یعنی پندرہ مارچ نوں ایس حوالے نال سنجیدہ اقدامات کردے ہوئے اسلاموفوبیا نال نمٹن دی غرض نال ایہنوں باقاعدہ طور تے منظور کر لیتا۔
قارئین کرام! یقین کرو ایہہ خبر سن کے سانوں جہڑی دلی طمانیت تے سکون حاصل ہویا اوہدا اندازہ اسیں ای لا سکنے آں۔ حضور پاکﷺ دی ذات اقدس اتے جان نچھاور کرن والے فدائین دی دنیا وچ کوئی کمی نہیں اے مگر چونکہ مسئلہ جنگ و جدل دی بجائے پرامن طور تے حل کرنا سی ایسے لئی پاکستان نے او آئی سی دی مدد نال ایہہ مسئلہ اقوام متحدہ وچ چکیا جہدے تے 15 مارچ 2022دے تریخ ساز دن اتے یو این او دی جنرل اسمبلی نے توہین رسالت دے مکروہ عمل اتے قدغن لاندے ہوئے اسلاموفوبیا دے خلاف قرارداد منظور کر لیتی بلکہ 15 مارچ دے دن نوں اسلاموفوبیا نال نمٹن دا عالمی دن وی قرار دے دتا جہدے تے پاکستان خصوصاً وزیراعظم عمران خان بجا طور تے تحسین تے مبارکباد دے مستحق نیں کیوں جے دو سال پہلے جدوں ڈنمارک دے اک گستاخ کارٹونسٹ نے حضور پاکﷺ دی اپنے تیار کیتے گئے خاکیاں دے ذریعے توہین کیتی تے سب توں پہلے وزیراعظم عمران خان نے ایہدے خلاف اقوام متحدہ وچ آواز چکی جہدے مگروں دوجے اسلامی ملکاں ولوں وی توہین رسالت دے خلاف آوازاں اٹھیاں جہدے نتیجے وچ دو سال دا عرصہ لنگھن مگروں مقام اطمینان اے کہ پہلے کینیڈا تے ہن روس دے صدر وی اسلاموفوبیا دے خلاف سینہ تان کے میدان وچ آچکے نیں جہنوں نظر وچ رکھدے ہوئے امید واثق اے کہ ہن کوئی وی گستاخ رسول حضور پاکﷺدی شان وچ چاہے اوہدا تعلق ڈنمارک نال ہووے یا دنیا دے کسے وی ملک نال ہووے گستاخی کرن دی جرات نہیں کر سکے گا تے بادل نخواستہ کرن دی نیت وی کرے گا تے اوہدے تے سو واری سوچے گا ضرور۔
توہین رسالت تے قدغن دے حوالے نال منظور کیتی جان والی قرارداد جہڑی پاکستان ولوں تیار کیتی گئی تے جہنوں اسلامی تعاون تنظیم (او آئی سی) نے یو این او وچ پیش کیتا دی یو این او جئے غیر مسلم ادارے توں منظور کیتے جان دے عمل اتے غور کیتا جاوے تے ایہہ حیرت انگیز ای نہیں باعث تعجب وی اے کیوں جے یو این او نے کدی وی کسے وی مسلمان ملک یا امت مسلمہ دے حوالے نال خود کدی ایکشن لیتا نہ ای مسلماناں ولوں ایس سلسلے وچ بار بار دی درخواستاں اتے کن دھریا‘ ایس حوالے نال مقبوضہ کشمیر‘ فلسطین تے دوجے عرب ملکاں وچ اسرائیلی تے بھارتی مظالم دی داستاناں دی مثال واضح طور تے دتی جا سکدی اے مگر ایتھے توہین رسالت/ اسلاموفوبیا دے خلاف جدوں اوآئی سی دے تعاون نال 15مارچ نوں قراردداد پیش کیتی گئی تے ایہہ منظور کر لیتی گئی جہنوں مسلم امہ نوں درپیش مسئلیاں دے حل دے حوالے نال بارش دے پہلے قطرے نال تعبیر کیتا جا سکدا اے جہدے تے جتھے اسیں یو این او دی کارکردگی اتے مطمئن ہوئے آں اوتھے ای یقینا دنیا دے کونے کونے وچ رہن اولے ہر مسلمان نوں دلی طور تے خوشی ہوئی۔ ایس سلسلے وچ وزیراعظم پاکستان عمران خان جنہاں نے ای دنیا وچ پہلی واری اسلاموفوبیا دا تصور پیش کیتا بلکہ ایس سلسلے وچ عملی اقدامات کردے ہوئے متذکرہ قرراداد وی تیار کروائی دی خوشی و مسرت دا اندازہ بخوبی لایا جا سکدا اے جنہاں نوں دنیا دے ہر مسلمان ملک دے سربراہ ولوں ٹیلیفونک مبارکباداں دا سلسلہ اجے تک جاری اے مگر ایہدے باوجود ایتھے اسیں جہڑی گل کرن جا رہے آں۔ اوہ قرارداد دی منظوری توں وی بہت زیادہ اہم اے تے اوہ ایہہ کہ قرارداد تے منظور ہو گئی مگر ایس توں زیادہ ضروری ایس قرارداد اتے عملدرآمد اے جہڑا کسے امتحان توں گھٹ نہیں تے سانوں یقین وی اے کہ جس طرح یو این او دے ارباب اختیار نے ایہہ قرارداد منظور کیتی بلکل اوسے طرح اوہ اپنے رکن ملکاںتوں ایہدے تے عملدرآمد لئی ایہناں اتے زور وی دیوے گا فیر ای ایہدی قرارداداں اپنی ا ہمیت منوا سکن گئیاں۔توہین رسالت دے واقعات اتے غور کیتا جاوے تے ایہناں دا سلسلہ صدیاں پرانا اے۔ ایس سلسلے وچ 1929دے اک واقعے دی مثال دتی جا سکدی اے جہدے وچ اک ہندو پبلشر راج پال نوں توہین رسالت دے ارتکاب وچ مشہور زمانہ مسلمان مجاہد غازی علم دین شہید نے قتل کردتا سی۔ مردود راج پال نے رحمت اللعالمین ﷺدی شان وچ گستاخی کردے ہوئے اپنی اک کتاب ’’رنگیلا رسول‘‘ شائع کیتی سی جہدے تے غازی علم دین نے اوہنوں اوہدی دکان دے اندر ای قتل کر کے جہنم واصل کر دتا۔ ایہدے مگروں اک تے اک مگروں دوجا فیر تیجا واقع وی ظہور پذیر ہویا مگر دو سال پہلے ڈنمارک دے مردود کارٹونسٹ ولوں جدوں رسول اللہﷺ دی ذات مبارکہ دے حوالے نال متنازعہ کارٹون جاری کیتے گئے تے فیر ستم بالاستم دے مصداق نہ صرف کارٹون شائع کیتے گئے بلکہ جدوں اوہدے تے ڈنمارک دے صدر ولوں اوہنوں اظہار رائے دی آزادی نال منسوب کیتا گیا تے فیر گل قابو توں باہر ہوگئی تے ویکھیا جاوے تے ایہو اوہ واقعہ سی جہڑا وزیراعظم عمران خان بھلائے نہ بھلا سکے تے انج گل عالمی انصاف دے اداریاں تک جا پہنچی مگر مقام افسوس کہ دو سال پہلے پیش کیتی گئی قرارداد رد کردتی گئی جہدے مگروں ایہہ قرارداد اسلامی تعاون تنظیم دے ذریعے دوبارہ پیش کیتی گئی جہدے تے یو این او حکام نے کجھ دن پہلے یعنی پندرہ مارچ نوں ایس حوالے نال سنجیدہ اقدامات کردے ہوئے اسلاموفوبیا نال نمٹن دی غرض نال ایہنوں باقاعدہ طور تے منظور کر لیتا۔
بصورت دیگر محض منظوری کوئی اہمیت نہیں رکھدی۔ ایہہ گل اسیں مقبوضہ کشمیر دے حوالے نال یو این او دی منظور شدہ قرارداداں دے نال ہون والے سلوک نوں ذہن وچ رکھ کے کر رہے آں جنہاں نوں منظور ہوئے ستر ورھیاں توں ودھ دا عرصہ لنگھ چکیا اے مگر اوہناں اتے عملدرآمد تاحال محو انتظار اے۔