اتحادیاں دے نال چنگے تعلقات، اتحاد ملک و قوم دے وسیع تر مفاد وچ اے: وزیراعلیٰ پنجاب

لہور: وزیراعلیٰ پنجاب آکھیا اے اتحادیاں دے نال بڑے چنگے تعلقات نیں، مخالفاں دی خواہشاں دے برعکس اتحاد پہلاں توں ودھ مضبوط اے،اتحاد ملک و قوم دے وسیع تر مفاد وچ اے۔

سردار عثمان بزدار نے اپنے بیان وچ آکھیا اتحادی جماعت نوں نال لے کے چل رہے آں، غلط فہمیاں پیدا کرن والیاں دی امیداں خاک وچ مل گئیاں، مخالفاں دے عزائم بری طرح نکام ہوئے، اپوزیشن دے کول کوئی ایجنڈا نہیں، سیاسی یتیم یاد رکھن حکومت مدت پوری کرے گی، عام انتخابات مقررہ ویلے تے ہون گے، وزیراعظم عمران خان دی قیادت وچ حکومت پہلاں توں ودھ مستحکم اے۔